Ավոկադոն, ինչպես քամելեոնը, համալրում է բացարձակապես տարբեր տեսակի ուտեստներ: Այսպիսով, ավոկադոն սկսեցին օգտագործել բազմատեսակ սուշի ռոլլերում: Առաջին ավոկադոյով ռոլլերից էին, եթե ոչ առաջինը, Ավոկադո և Քալիֆոռնիա Ռոլլերը: Դուք կարող եք մտածել, որ Քալիֆոռնիա Ռոլլի արմատներով Քալիֆոռնիայից է, սակայն իրականում այն հայտնագործել են Վանկուվեր քաղաքում:
Ավոկադո Ռոլլ
Ավոկադո Ռոլլը բավականին պարզ է իր բաղադրությամբ, քանզի պարունակում է միայն ավոկադո և բրինձ:
Քալիֆոռնիա Ռոլլ
Քալիֆոռնիա Ռոլլը պարունակում է ավոկադո, ծոցախեցգետին և վարունգ: Այս ռոլլը, հնարավոր է, աշխարհում ամենահայտնի և պահանջվածն է, և օգնել է տարածել ճապոնական խոհանոցը Ճապոնիայի սահմաններից դուրս:
Ի՞նչ է պարունակում ավոկադոն
Հայտնի է, որ ավոկադոն պարունակում է մեծ քանակությամբ սննդարար նյութեր և հանդիսանում է միակ հայտնի միրգը, որը մատակարարում է օրգանիզմը մեծաքանակ օգտակար ճարպերով: Այս ճարպերով հարուստ պտուղը պարունակում է նաև 20 տարբեր հանքային նյութեր և վիտամիններ: Ավոկադոյի ճարպերից մեծ մասը հանդիսանում է օլեինաթթու, որը առկա է նաև ձիթապտղի յուղում և պատասխանատու է դրա օգտակար հատկությունների համար:
Օգտակա՞ր է արդյոք ավոկադոն և ինչու՞
Հետազոտությունները ցույց են տվել, որ ավոկադոն կարող է՝
- Զգալիորեն նվազեցնել խոլեսթերինը
- Կրճատել տրիգլիցերիդների պարունակությունը արյան մեջ մինչև 20%
- Ցածր խտության լիպոպրոտեինների խոլեսթերինի մակարդակի նվազեցում 22%-ով
- Լավ խոլեսթերինի մակարդակի բարձրացումը մինչև 11%
Այս պտղի հայտնի օգտակար հատկություններից մեկն այն է, որն այն ապահովում է խոլեսթերինի անհրաժեշտ մակարդակը, կանխարգելում է օստեոպորոզի զարագցումը վիտամին K-ի բարձր պարունակության շնորհիվ, ցածրացնում է քաղցկեղի առաջացման ռիսկը և բարելավում է տեսողությունը:
Ավոկադոյի մեկ կտորի մեջ պարունակվում է 25 գրամ բնական բուսական ստերոլ, որն անվանում են բետա-սիտոստերոլ: Բետա-սիտոստերոլի և այլ բուսական ստերոլների պարբերական օգտագործումը նպաստում է խոլեսթերինի անհրաժեշտ մակարդակի ապահովմանը:
Ավոկադոն պարունակում է լյուտեին և զեակսանտին, որոնք առավել կենտրոնացված են աչքերի հյուսվածքներում: Դրանք ապահովում են հակաօքսիդանտ պաշտպանություն, ուլտրամանուշակագույն ճառագայթների ազդեցությունը նվազեցնելու համար:
Ավոկադոն հիանալի պտուղ է, լի սննդարար նյութերով, որոնք բացակայում են մեր առօրյա սննդակարգում:
Դրանք նպաստում են հավելյալ քաշի կորստին, սրտանոթային համակարգի առողջ աշխատանքին, և, ի վերջո, այս միրգն ունի աննկարագրելի համ: